Një 17-vjeçar ka humbur jetën si pasojë e një aksidenti trafiku që ka ndodhur sot në rrugën Ferizaj-Prishtinë.
Rastin për Gazetën Sinjali e ka konfirmuar zëdhënësja e Policisë për Rajonin e Prishtinës, Flora Ahmeti.
Ahmeti ka bërë të ditur se Policia ka pranuar informatën për aksidentin rreth orës 15:30, ku janë përfshirë një automjet dhe një këmbësor.
Si pasojë e aksidentit, këmbësori ka pësuar lëndime të rënda dhe ka ndërruar jetë.
“Vdekja e viktimës është konstatuar nga ekipi mjekësor në QKUK”, ka deklaruar Ahmeti.
Rasti po hetohet nga organet kompetente.