Të shtëna me armë gjatë një ahengu në Shtime, konfiskohet pistoleta

Të shtëna me armë zjarri janë raportuar gjatë një ahengu familjar në rrugën “De Rada” në Shtime.

Rasti ka ndodhur më 10 shtator, kur Policia e Stacionit Policor në Shtime është njoftuar për të shtënat dhe ka dalë në vendngjarje.

Sipas Policisë, i dyshuari ka dorëzuar një pistoletë me gaz, ndërsa gjatë intervistimit ka pranuar se kishte shtënë dy deri në tri herë.

Për rastin është njoftuar prokurori i shtetit, me vendim të të cilit janë iniciuar rastet për “përdorim të armës apo mjetit të rrezikshëm” dhe “mbajtje në pronësi ose posedim të paautorizuar të armës”.

I dyshuari është liruar në procedurë të rregullt hetimore.