Gazeta Sinjali raportoi më herët për një aksident trafiku të ndodhur në Malishevë, ku një veturë ka goditur një objekt afarist.
Rastin për Sinjalin e ka konfirmuar zëdhënësja e Policisë për rajonin e Gjakovës, Vlera Krasniqi, e cila bëri të ditur se ngjarja ka ndodhur rreth orës 13:50 në rrugën “Ibrahim Mazreku”.
“Sipas informatave fillestare, në këtë aksident është përfshirë një automjet, i cili, pasi nuk ishte siguruar nga drejtuesi i automjetit, ka lëvizur dhe më pas ka goditur një objekt afarist. Si pasojë e aksidentit nuk ka persona të lënduar, ndërsa janë shkaktuar vetëm dëme materiale”, tha Krasniqi për Sinjalin.
Njësitë policore kanë dalë në vendin e ngjarjes dhe kanë ndërmarrë veprimet e nevojshme procedurale.