Një 49-vjeçar është arrestuar pasditen e së enjtes në Shtime, pasi rezultoi se ndaj tij kishte urdhërarrest aktiv për veprën penale “Mashtrimi”.
Sipas Policisë, rasti ka ndodhur më 20 gusht 2026, rreth orës 17:20, kur Njësia e Trafikut Rajonal, gjatë patrullimit, ka ndaluar një automjet të tipit Opel Combo, me targa vendore.
Pas verifikimit të shoferit, A.D., 49 vjeç, është konstatuar se ai kërkohej me urdhërarrest aktiv.
I dyshuari është shoqëruar në Stacionin Policor në Shtime për procedura të mëtejshme.
Pas kompletimit të dokumentacionit dhe procedurave policore, 49-vjeçari është dërguar në vuajtje të dënimit prej një viti e 215 ditësh burgim.