Policia e Kosovës ka konfirmuar raportimin e Gazeta Sinjalit për incidentin e ndodhur pasditen e sotme në fshatin Krushë e Madhe të Rahovecit.
Sipas Policisë, rreth orës 14:35 është pranuar një informatë nga një qytetar për një përleshje fizike ndërmjet dy personave.
Njësitet policore kanë dalë menjëherë në vendin e ngjarjes, ku viktima ka pësuar lëndime trupore pasi është goditur me një mjet të mprehtë. Ai ka pranuar trajtim mjekësor në Spitalin e Prizrenit.
Ndërkohë, i dyshuari është lokalizuar dhe arrestuar nga Policia, ndërsa është sekuestruar edhe mjeti i dyshuar që është përdorur gjatë incidentit.
Në koordinim me Prokurorin e Shtetit, ndaj të dyshuarit është iniciuar rasti “Lëndim i rëndë trupor”, ndërsa i njëjti është ndaluar për 48 orë.