Të shtëna me armë zjarri kanë shqetësuar qytetarët në Gjakovë, ku rreth orës 18:00 është raportuar për të shtëna në rrugën “Bujar Syla”.
Sipas informacioneve të Policisë, personi i dyshuar është paraqitur në Stacionin Policor në Gjakovë.
Në koordinim me Prokurorin e Shtetit, ndaj tij janë iniciuar raste për dy vepra penale: “Mbajtja në pronësi, kontroll ose posedim i paautorizuar i armëve” dhe “Përdorimi i armës apo mjetit të rrezikshëm”.
Me urdhër të prokurorit kompetent, i dyshuari është ndaluar për 24 orë.
Ende nuk janë bërë të ditura rrethanat që çuan deri te përdorimi i armës së zjarri.