Dogana e Kosovës ka zbuluar mallra të padeklaruara në kabinën e një kamioni në pikën kufitare në Han të Elezit, gjatë kontrolleve të rregullta në hyrje të vendit.
Sipas njoftimit të Doganës, gjatë verifikimit të dokumentacionit dhe krahasimit të tij me ngarkesën, zyrtarët doganorë kanë ngritur dyshime, çka ka bërë që kontrolli të zgjerohet edhe në kabinën e kamionit.
Aty janë gjetur 16 dizne për vetura dhe 250 mbajtëse plastike, të cilat nuk ishin deklaruar.
Vlera e përgjithshme e këtyre mallrave, pa përfshirë detyrimet doganore dhe tatimore, vlerësohet të jetë rreth 2 mijë e 400 euro.
Mallrat janë ndaluar, ndërsa rasti po trajtohet në përputhje me procedurat dhe legjislacionin në fuqi.