Një grua është parë duke dëmtuar me sopatë parkun e lodrave në një kompleks banesor në lagjen Tophane të Prishtinës.
Pamjet e incidentit janë dërguar në adresë të Gazetës Sinjali nga një lexues, i cili ka treguar se banorët janë larguar nga vendi nga frika.
“Si e shohum na, ikum se s’di sa herë na ka ndjek”, ka thënë banori.
Sipas tij, kjo nuk është hera e parë që banorët janë përballur me një situatë të tillë, duke shprehur shqetësim për sigurinë e tyre.
Gazeta Sinjali ka kontaktuar Policinë e Kosovës lidhur me rastin, mirëpo deri në publikimin e këtij lajmi nuk ka marrë konfirmim zyrtar për incidentin apo për arsyen që ka çuar gruan në dëmtimin e parkut.
Mbetet të sqarohet nëse Policia ka ndërmarrë ndonjë veprim lidhur me rastin.